Merdhukomala (Arjuna Wiwaha)

1. Ong Sembahninganata Tinghalana detriloka sarana,
Wahya dyatmika sembahing hulun ijengta tan hana waneh,
Sang lwir agni sakeng tahen kadi minyak sakeng dadi kita,
Sang saksat metu yan hana wang amuter tutur pinahayu,

Ratu Sang Hyang Maha Suci, pangabhaktin tityang inista suryanin ugi, sahantukan wantah paduka Bhatara kantin jagat tigane.
Sakala niskala pangabaktin tityang ring paduka Bhatara, tan wenten siyos.
Paduka Bhatara kadi geni mijil saking taru, kadi minyak mijil saking santen.
Paduka Bhatara nyalantara medal yening wenten anak ngincepang tutur kabecikang pisan.

2. Wyapi wyapaka sarining parama tatwa dur laba kita,
Ichantang hana tan hana ganal alit lawan hala hayu,
Utpatti sthiti linaning dadi kita ta karana nika,
Sang sangkan parananing sarat sakala niskalatmaka kita

Nyusup ring sahananing sarwa bhawa maraga sarin tatwane mautama, sane sengka pikolihang, paduka Bhatara.
Saking panitah paduka Bhatara punika, sane wenten sane tan wenten, sane ageng sane alit, miwah kawon becike punika.
Lekad,hidup, matinnya sang numadi, paduka Bhatara ugi makalantaran ipun.
Paduka Bhatara maraga sangkan paran jagate sami, sakala niskala paragayan paduka Bhatara.