• Twitter
  • Twitter
  • Facebook
  • RSS

Minggu, 25 Agustus 2013

S R O N C A


Guru-Laghu tan manggeh

1.Hana Sira Ratu Dibya Rengen
Prasasta Ring Rat Musuh Nira Pranata
Jaya Pandita Ring Aji Kabeh
Sang Dasarata Nama Tamoli


 Wenten Ida Sang Prabu Maraga Luwih, Durus Pirengang
Kasub Kasungsung Ring Jagat, Meseh Idane Ngandap Kasor.
Molihing Kapradnyanan Ring Tatwa Sami
Sang Prabu Dasarata Parab Idane Tan Pa Tandingan


2.Sira Ta Triwikrama Pita
Pinaka Bapa Batara Wisnu Mang Janma
Inaka Nikang Buwana Kabeh
Ya Ta Donira Nimittaning Janma


 Ida Wantah Ajin Sanghyang Tri Wikrama
Kanggeh Aji Ritatkalaning Sanghyang Ari Manumadi
Wantah Jaga Ngerahayuang Daging Jagate Sami
Asapunika Gumanti Tatujon Ida Mawinan Manresti


3.Guna Manta Sang Dasarata
Wruh Sira Ring Weda Bhakti Ring Dewa
Tar Malupeng Pitra Puja
Masih Sireng Swagotra Kabeh


 Lewihing Guna Ida Sang Dasarata
Wikan Ida Ring Weda Lan Bhakti Ring Hyang Paramakawi
Tan Lali Idangastawa Sang Hyang Guru ( Leluhur )
Sweca Ida Ring Sameton Idane Sami


4.Raga Dimusuh Mapara
Rihati Ya Tonggwania, Tan Madoh Ring Awak
Yeka Tan Hana Ri Sira
Prawira Wihikan Sireng Niti


 Smara Dudu Miwah Sakancan Ipun Meseh Sane Tampek
Ring Kayun Genah Nyane Tan Doh Saking Raga
Sang Asapunike Tan Wenten Ring Ida
Purusa Wikan Ring Niti


5.Kadi Mega Mangudanaken
Pada Nira Yar Wehaken, Nikang Dana
Dinanda Krepa Naya Wineh
Nguni-Nguni Danghyang Lawang Dang Hacarya


 Kadi Gulem Nedunang Sabeh
Sasamen Idane Tat Kala Micayang Padana – Dana
Jadmane Nista, Bhuta Kalaran Punika Sane Kasuwecanin
Punapi Malih Majeng Ring Sang Maraga Suci Mwah Pedanda Nabe


6.Mwang Satya Ta Sira Mojar
Ring Anak Kebi Towi Tarmresa Wada
Nguni-Nguni Yan Ri Parajana
Priyahita Sojar Nira Tisaya


 Samalihe Ida Satya Wacana
Yadyastun Ring Anak Istri Ida Tan Naanin Linyok
Punapi Malih Ring Jadma Siyosan
Sapangandikan Ida Dahat Ngyun-Hyunin


7.Sapala Sira Raksakeng Rat
Tuwi Sira Mitra Hyang Indra, Bakti Temen
Maha Eswara Ta Sira Lana
Siwa Bhakti Gineng Lana Ginawe


 Molihing Kasidan Ida Ngamel Jagat
Wyakti Ida Kantin Batara Indra Kalintang Subakti
Ida Stata Ngamanggehang Maha Iswara
Inggih Punika Bakti Ring Sang Hyang Siwa Kabuatang Stata Kakardinin.


8.Ikanang Danur Kebah
Kapna Ya Bakti Ri Sira Pranata Matwang
Kadi Mawwata Yasa Lana
Rupanian Ageng Ta Kirti Nira


 Prajurit – Prajurite Sane Masanjata Panah Sami
Maka Sami Bhakti Ring Ida Nungkul Ngalap Kasor
Sakadi Pacang Ngawewehin Kawibuhan Ida Stata.
Pakantenannya Agung Wantah Kertin Idane.


9.Jenyana Sira Suda Mawulan
Parartha Gumawe Sukaning Buwana
Saksat Indra Sira Katon
Tuhun Haneng Bumi, Beda Nira
 

 Pakayunan Ida Nirmala Kadi Bulan
Pararta Inggih Punika Sang Ngardi Kaliyangan Jagat
Sat Winaluya Sang Hyang Indra Ida Ri Kantenan
Sakewanten Antuk Magenah Ring Jagat Siyos Idane.


10.Ikanang Pratapa Dumilah
Suka Nikanang Rat, Ginawenia
Kadi Bahni Ring Pahoman
Dumilah Mangde Suka Nikang Rat


Prabawan Ida Sang Prabu Wyakti Dumilah
Karahayuan Jagate Wantah Kakardinin
Kadi Agni Ring Pakundan
Angabar Abar Ngawinan Kaliangan Jagate.


11.Hana Rajya Tulya Kendran
Kakwehan Sang Mahardika Susila
Ring Ayodya Subageng Rat
Yeka Kadatwan Nirang Nrepati


Wenten Pura Waluya Sekadi Kendran Utawi Swarga Loka
Tur Kebekan Antuk Sang Pradnyanlewihing Laksana
Ring Ayodya Kalintang Kasub Ring Jagate
Inggih Punika Purin Ida Sang Prabu Dasarata


12.Hayuning Swarga Tuwi Masor
De Ning Ayodya Pura Tisaya
Suka Nitya Kala Menak
Ring Rengreng Towi Ring Lahru


Kabecikan Utawi Keagungan Swargane Wyakti Kasor
Antuk Puri Ayodyane Sane Tan Pa Tandingan
Irika Stata Kahanan Ledang Ida Anake Agung
Ring Masan Sabah Pituwi Ring Masan Endang


13.Sakweh Ning Mulya Kabeh
Kanaka Rajata Len Manik Hana Ngkana
Yang Ken Untunia Maputih
Gumuyu Guyung Swarga Sor Denia


Sakancan Mule-Mulene Sami
Mas Mirah Miwah Sasocan Sami Wenten Irika
Punika Saksat Sakadi Gigin Nyane Putih
Kenyem-Kenyem Swargane Kandapan Antuk Ipun


14.Hana Tan Umah Kanake Manik
Kinuli Linga Nikang Taman Ramya
Warakania Ka Mameng – Ameng
Surap Sari Tulya Ring Meru


Wenten Punika Bale Mas Masasocan Mirah Berlian
Tur Kailehin Antuk Taman Sari Sane Ngulangunin Ati
Genah Daha Sarine Jegeg-Jegeg Malila Cita Tur Magending
Waluya Sakadi Widyadara Widyadari Ring Swarga Loka


15.Spatika Manik Ta Malahalah
Sateja Mungguing Umah Paninjoan
Kadi Gangga Saka Himawan
Rupania Katon Suteja Asri


Manik Banyune Makweh Pisan Kawentenane
Sami Makaredep Magenah Ring Bale Panggungane
Kadi Tukad Ganggane Saking Gunung Himawan
Kanten Rupanya Dumilah Ngyun-Hyunin Buat Keasrianyane


16.Suka Trepti Sang Marendra
Bukti Ikang Boga Tan Papada Dibya
Nirbaya Tan Hana Katakut
Samanta Kabeh Masa Pranata


Saha Ledang Degdeg Pikayunan Ida Sang Prabu
Muponin Kasukan Tan Patandingan Becik Nyane
Rasayang Tan Wenten Baya Tan Wenten Sane Kejejehin
Nagara Panyandinge Sami Rawuh Ngandap Kasor.


17.Sang Kekayi Sumitra
Kosalya Gara Sang Narendra Tiga
Durga Gangga Gori
Padanira Ya Surupa Dibya Guna
 

Dyah Kekayi, Dyah Sumitra,
Dewi Kosalya Rabin Sang Prabu Tatiga,
Bhatari Durga Gangga Gori,
Sasamen Idane Munggwing Kahayon Lwihing Gagunan.


18.Suka Sang Narendra Makuren
Dewi Nira Kapwa Yatna Yan Paniwi
Tanhana Mambekirthya
Risirang Dewi Mathut Katiga


Ledang Sang Prabu Marabyan,
Parameswarin Idane Sami Plapan Rikala Ngiring Pakayunan,
Tan Wenten Mapakayunan Iri Hati,
Munggwing Patnin Ida Adung Makatatiga.


19.Kadi Arsa Sang Maharesi
Sakteng Rag Samalen Yajur Weda
Mangkana Sang Dasarata Weh
Harsa Nira Tade Mahadewi
 

Kadi Kaledangan Ida Sang Resi Agung,
Teleb Ring Reg, Sama Miwah Yajur Weda,
Sapunika Taler Sang Dasarata,
Kaledangan Idane Majeng Ring Para Rabine.


20.Malawas Sira Papangguh
Masneha Lawan Maha Dewi
Suraseng Sanggama Rinasan
Alinggana Cumbana Dinia


Sampun Suwe Ida Marabyan,
Asih Kumasih Sareng Para Rabin Ida,
Lwih Rasa Patemone Sampun Karasayang,
Magelut Maharas-Haras Miwah Sakancan Punika.


21.Mahyun Ta Sira Maputra
Manaka Wetniar Wareg Rikang Witaya
Malawas Tarpana Katah
Mahyun Ta Sira Gawe Yajnya


Mapakayunan Raris Ida Mangda Maduwe Putra,
Mangda Wenten Putra Hantuk Sampun Wanah Ring Indria,
Suwe Wyakti Ida Tan Maduwe Weka,
Raris Makayun Ida Ngwangun Yajnya.


22.Hana Sira Rethyasrengga
Presasta Karenge Widagda Ring Sastra
Tarmoli Ri Yajnya Kabeh
Anung Maka Palanganak Dibhya


Wenten Ida Maparab Resya Srengga,
Kasub Kalumbrah Prajnyan Ring Sastra,
Tan Wenten Nyamenin Ring Paindikan Yajnya Sami,
Sane Prasida Mikolihang Putra Utama.


23.Sira Ta Pinet Naranatha
Mararya Yodhya Puro Hitangkana
Tatar Wihang Sira Pinet
Pininta Kasihan Sira Yajnya


Ida Sane Katuhur Antuk Ida Sang Prabu,
Mangda Rawuh Kapuri Ayodya Keadegang Bhagawanta Irika,
Nenten Tulak Ida Katuhur,
Katunas Icahin Ida Mangda Ngajengin Yajnya.


24.Sajining Yajnya Ta Humadang
Sri Wraksa Samida Puspa Ganda Pala
Dadi Brata Kresna Tila Madu
Mwang Kumba Kusa Grewretti Wetih


Upakaran Yajnyane Sampun Cumawis,
Cendana, Kayu Hasep, Sekar Miyik-Miyikan, Woh-Wohan,
Santen Empehan Minyak Wijen Ireng Madu,
Miwah Jun Muncuk Ambengan Burat Wangi Nyanyah Gringsing.
 

25.Lumekas Ta Sira Mahoma
Pretadi Pisacara Raksa Saminantran
Bhuta Kabeh Inila Gaken
Asing Mamigna Rikang Yajnya.


Raris Ngawitin Ida Ngwangun Homa,
Pitra Miwah Sane Siyosan Pisaca Raksasa Sampun Kamantrahin
Bhutane Sami Pada Katundung,
Sakancan Sane Jagi Nyengkalen Homane Punika.

0 komentar:

Posting Komentar